Disgrifiad cryno o’ch swydd, ei phrif bwrpas a’r prif dasgau: -  

Bod yn weithredol wrth gefnogi trosglwyddo Rhaglen Ddigidol yr Heddlu, gan newid y ffordd y mae staff rheng flaen a rolau swyddfa gefn yn cyflawni eu dyletswyddau dydd i ddydd. 

Penodol i’r Rôl 

1. Cynorthwyo Rheolwyr Prosiect TGCh wrth drosglwyddo rhaglen ddigidol yr heddlu.  
2. Mynychu a chyfrannu’n weithredol mewn cyfarfodydd Cynllunio Sprint, Byrddau Rhaglenni a Gweithredu Prosiectau. 3. Dirprwyo ar gyfer y Rheolwyr Prosiect TGCh mewn Cyfarfodydd Cynllunio Sprint, Byrddau Rhaglenni a Gweithredu Prosiectau yn ôl yr angen.   
3. Rheoli Prosiectau Digidol drwy’r system WorkStream Tracker dan gyfarwyddyd y Rheolwyr Prosiect TGCh. 
4. Cynorthwyo wrth baratoi dogfennau ac adroddiadau prosiect yn cefnogi datblygiad cynhyrchion prosiect. 
5. Ymgysylltu’n fewnol a gyda darparwyr datrysiadau trydydd parti sy’n cynorthwyo wrth drosglwyddo datrysiadau digidol. 
6. Darparu cyngor, arweiniad a chefnogaeth i aelodau eraill o’r sefydliad fel rhan o weithredu datrysiadau digidol newydd. 
7. Bod yn gyfrifol am ddatblygu, dylunio a throsglwyddo hyfforddiant, gan gynnwys mewnbwn ar gyrsiau hyfforddi heddlu, a pharatoi llawlyfrau hyfforddi a dogfennau cyfarwyddyd. 
8. Dylunio a chyflawni arolygon a dulliau eraill o ymgynghori meintiol ac ansoddol. 
9. Cyflwyno canfyddiadau ar ymchwil ac adolygiadau mewn fformat ysgrifenedig, ystadegol a graffigol, gan wneud argymhellion ar gyfer gwelliant. 
10. Casglu data ar gyfer arolwg mewnol o effeithiolrwydd trosglwyddiad y broses newydd, gan adnabod problemau ac argymell gwelliannau yn y broses. 
11. Sicrhau bod gwybodaeth ar gael i’r holl staff drwy’r Fewnrwyd ac e-bost. 
12. Cyflawni gwaith profi trylwyr ar ddatrysiadau technegol er mwyn caniatáu ar gyfer gweithredu amrywiol agweddau o’r prosiect yn effeithiol. 

Tasgau Rôl Generig  

1. Rhoi cyngor ac arweiniad hyd nes bod materion wedi’u datrys.  
2. Ymgymryd â gweithgareddau a thasgau gweinyddol yn ôl yr angen. 
3. Darparu gwasanaeth effeithiol ac effeithlon i gwsmeriaid mewnol ac allanol gan sicrhau y cynhelir cyfrinachedd bob tro. 
4. Cyfathrebu’n effeithiol â chwsmeriaid mewnol ac allanol. 
5. Sicrhau bod systemau’r heddlu’n cael eu cynnal a’u diweddaru’n effeithiol yn unol â phrosesau busnes.  
6. Sicrhau bod yr holl waith a wneir yn cydymffurfio â deddfwriaeth berthnasol a pholisïau a gweithdrefnau’r heddlu, gan geisio’r wybodaeth ddiweddaraf am dechnolegau sy’n dod i’r amlwg ac arfer gorau. 
7. Cydymffurfio â deddfwriaethau a phrotocolau a pholisïau Heddlu Dyfed-Powys, gan gynnwys y Cod Moeseg, y Proffil Asesu Datblygiad, Cyfleoedd Cyfartal, Iechyd a Diogelwch, Rheoli Gwybodaeth yr Heddlu, Diogelu Data a Diogelwch Gwybodaeth, ac ymddwyn yn unol â nhw.  
8. I gyfathrebu drwy gyfrwng y Gymraeg hyd at Lefel 1, neu fod yn barod i gyflawni hyn ymhen chwe mis o gael eich penodi.

Sgiliau/Cymwysterau [i’w dangos wrth wneud cais]

Rhowch dystiolaeth yn erbyn y PUM cyrhaeddiad hyn yn unig ar eich ffurflen gais

• Rhaid bod â gradd, neu brofiad gwaith sylweddol sy’n dwyn y daliwr swydd i lefel gymharol.
• Rhaid bod â phrofiad o weithredu ail-osod peirianwaith proses busnes. 
• Rhaid meddu ar achrediad proffesiynol yn y maes arbenigol, neu fod yn barod i gyflawni’r achrediad hwn o fewn 12 mis o gychwyn yn y rôl. 
• Rhaid dangos y gallu i weithio i lefel uchel o gywirdeb a dangos eich bod yn talu sylw i fanylion. 
• Rhaid eich bod chi’n medru trin cyfrifiadur ac yn hyfedr o ran y defnydd o Microsoft Word ac Excel. 

Gall sgiliau/profiad/gwybodaeth arall sydd eu hangen ar gyfer y rôl gael eu hasesu yn ystod y broses gyfweld

• Rhaid bod yn gallu ymdrin â data cymhleth a’i ddadansoddi a’i gyflwyno mewn modd syml. 
• Rhaid bod yn hyfedr wrth ddefnyddio technoleg rhyngrwyd/mewnrwyd. 
• Rhaid profi eich bod chi’n medru gweithio’n effeithiol heb lawer o oruchwyliaeth, a threfnu a blaenoriaethu eich llwyth gwaith eich hun.
• Rhaid eich bod chi’n medru arddangos sgiliau cyfathrebu da ar lafar ac yn ysgrifenedig, gyda’r gallu i gyfathrebu â phobl ar bob lefel o’r sefydliad.
• Rhaid arddangos ymagwedd ymarferol tuag at ddatrys problemau. 
• Rhaid meddu ar sgiliau mewnbynnu da. 
• Rhaid bod â’r gallu i deithio o fewn yr ardal heddlu yn unol â gofynion y rôl.